Курортология және медициналық оңалту ҒЗИ шығармашылық белсенділіктері балалардың денсаулығын қалпына келтіруге көмектеседі

Жарияланды: Марлан

ҚР ДСМ курортология және медициналық оңалту ҒЗИ Оқу - тәрбиелік бөлімі міндетті білім беру бағдарламаларынан басқа балалар ауысымына қатысушыларға бос уақытты ұйымдастыруда түрлі пайдалы іс-шараларды ұсынады.

Осыған орай, «Қош келдің, жайдарлы жаз!» балалар ауысымына қатысушылардың бос уақытын ұйымдастыру бағдарламасы аясында 2024 жылдың 3 маусымында Бурабай кентінің Үлгілі кітапханасына экскурсия ұйымдастырылды.

Экскурсия барысында балалар кітапхананың бай кітап қорымен танысып қана қоймай, туған өлкесінің тарихы туралы көп мағлұмат алды. Балалар кітап пен өлке тарихына қатысты көптеген сұрақтар қойып, көргендерін бір-бірімен белсенді түрде талқылады.

ҚР ДСМ курортология және медициналық оңалту ҒЗИ Оқу - тәрбиелік бөлімі Бурабай кентінің Үлгілі кітапханасы ұжымына осы танымды және қызықты экскурсияны ұйымдастырғаны үшін өз алғысын білдіреді.

Осындай іс-шаралар ҚР ДСМ курортология және медициналық оңалту ҒЗИ балалардың денсаулығын нығайтуға ғана емес, жан-жақты дамуына бағытталған жұмысының маңызды бөлігі болып табылады.

Институт өзінің жас емделушілеріне денсаулықты ғана емес, сонымен қатар жаңа білім, жаңалықтар мен жарқын әсерлер сыйлай отырып, шығармашылық бастамаларды жүзеге асыруды одан әрі жалғастырады.

Маусым 3, 2024, 7:18 Т.Қ.